8 to 12 மாத குழந்தையை கோடையில் நீரோட்டமான வைக்கும் உணவுகள் & டிரிங்க்ஸ்

கோடை காலம் என்பது சிறு குழந்தைகளுக்கு கடினமான காலமாக இருக்கும். வெப்பத்தினால் வரும் வியர்வை அசொளகரியமான உணர்வை தரும். அதனால் குழந்தை எரிச்சல், அடம் போன்ற நடத்தையை காட்டுவார்கள்.  இது உணவின் மீது அவர்களுக்கு வெறுப்பு வர செய்கிறது. இந்த நேரத்தில் குழந்தைகளில் பசியின்மை மற்றும் நீரிழப்பு பொதுவானது தான். இது அம்மாக்களுக்கு மிகவும் கவலையாக இருக்கும். இந்த இரண்டையும் சமாளிக்க குழந்தைக்கு தேவையான அளவு ஊட்டச்சத்து மற்றும் திரவங்கள் இல்லையென்றால் குழந்தையை சமாளிக்க கஷ்டமாக இருக்கும்.

குழந்தைக்கு உணவில் ஆர்வத்தை வர வைப்பதற்கு முன் அவர்களுக்கு வெப்பத்தை தாங்க உதவ வேண்டும்.  எனவே, முதல் படி, கோடைக்காலத்தில் உங்கள் குழந்தை வசதியாகவும் குளிர்ச்சியாகவும் இருப்பதை உறுதிப்படுத்த பின்வரும் குறிப்புகள் உதவும்-

• தளர்வான பருத்தி ஆடைகளை அணிந்துவிடுங்கள். அடுக்குகள், பாஸிஸ்டர், நிறைய வொர்க், நெட் உள்ள ஆடைகளை தவிர்த்துவிடுங்கள். சில நேரங்களில் குழந்தை ஆடையால் வரும் அசொளகரியத்தை வெளிக்காட்ட தெரியாமல் அழுவார்கள்.
• ஏசி/கூலரைப் பயன்படுத்தி வெப்பநிலையைக் கட்டுப்படுத்துவதன் மூலம், வீட்டு சூழல் குளிர்ச்சியாகவும் வசதியாகவும் மாற்றலாம்.  ஏர் கண்டிஷனர் அல்லது குளிரூட்டிக்கு நேரடியாக உங்கள் குழந்தையை விடாதீர்கள், குளிர்ந்த பிறகு அறைக்கு அழைத்து வாருங்கள்.
• உங்கள் குழந்தையை நேரடி சூரிய ஒளி அல்லது சூடாக்கப்பட்ட கார்கள் போன்ற நெரிசலான இடங்களிலிருந்து விலக்கி வைக்கவும்
• அதிக சூடான நீர் இல்லாமல்  வெதுவெதுப்பான நீரில் குளிப்பாட்டவும் அல்லது வீட்டிற்குள்ளேயே ஒரு தொட்டியில் அல்லது டப்பில் விடவும்
• குளிர்ச்சியாக வைத்திருக்க, ஒரு சுத்தமான மற்றும் ஈரமான துணியால் துடைக்கவும்

சில ஆய்வுகள் வெப்பமான காலத்தில் தனது உடல் அதிக ஆற்றலைப் பயன்படுத்தாது என்பதை காட்டுகின்றன. இதனால் பசியின்மை வரலாம். குழந்தைகளுக்கான இந்த இன்டோர் கேம்கள் மூலம் அதிக ஆற்றலை செலவழிக்க நீங்கள் முயற்சி செய்யலாம். இதன் மூலம் பசியை தூண்டி உணவை உண்ண வைக்கலாம்

குழந்தைகளுக்கான சிறந்த கோடை உணவுகள்

இப்போது, ​​இந்த வெயில் காலத்தில்  உங்கள் குழந்தைக்கு நீங்கள் என்ன உணவளிக்க வேண்டும் என்பதை தெரிந்து கொள்ளுங்கள். சப்ஜி மற்றும் ரொட்டி போன்ற உணவுகள் உங்கள் குழந்தைக்கு செறிக்க கடினமாக இருக்கும், மேலும் சாப்பிட விருப்பம் இல்லாமல் இருக்கலாம்.  எளிதாக செறிக்கக் கூடிய வேறு சில ஆரோக்கியமான உணவுகளைப் பற்றி இங்கே குறிப்பிட்டுள்ளேன்.

சூப் சாதம்

சைவம் அல்லது அசைவ சூப் செய்யும் போது, அதை சாத்தத்தோடு அல்லது இட்லியோடு கலந்து கொடுக்கலாம். சூப் வைக்கும் போது காய்கறிகள் அல்லது இறைச்சியோடு சிறிது ஜீரகப் பொடி, மிளகு தூள் சிட்டிகை, சின்ன வெங்காயம், தக்காளி கொஞ்சமாக சேர்த்து குக்கரில் விசில் வைத்து இறக்குங்கள். குலைந்த சாதத்துடன் கலந்து கொடுக்கலாம்.

கிச்சடி

கிச்சடி செய்வது எளிதானது, ஆரோக்கியமானதும் கூட. இதில் உங்கள் குழந்தைக்கு புரதம் கிடைக்கும். இந்த கிச்சடி ரெசிபிகள் ஊட்டச்சத்துடன் நிரம்பியுள்ளன, மேலும் குழந்தைகளுக்கு ஜீரணிக்க மிகவும் எளிதானது. இந்த நேரத்தில் கிச்சடி ஊட்டுவது உங்கள் குழந்தைக்கு வாயு அல்லது வயிற்றுப்போக்கு போன்ற செரிமான பிரச்சனைகள் வருவதற்கான வாய்ப்புகளை குறைக்கிறது.

தயிர் சாதம்

தயிரில் கால்சியம் நிறைந்துள்ளது மற்றும் வெப்பமான, கோடை நாட்களுக்கு குளிர்ச்சியாக இருக்கும். தயிர் சாதம் கொடுப்பதன் மூலம் குழந்தைக்கு பசி தீர்வதோடு  உள்ளே குளிர்ச்சியாக உணர்வார்கள்.

எலுமிச்சை சாதம்

எலுமிச்சம்பழம் நன்மைகள் மற்றும் அத்தியாவசிய வைட்டமின்கள் நிறைந்தவை. அரிசியுடன் இணைந்தால், உங்கள் குழந்தை ரசிக்கும் எளிய மற்றும் சுவையான லெமன் ரைஸ் ரெசிபி.

ஆப்பிள் அல்லது கேரட் மசித்தது

ஆப்பிள் அல்லது கேரட்டை வேக வைத்து மசித்துக் கொடுக்கலாம். இட்லி அல்லது சாதம் கலந்து கொடுக்கலாம். வெயிலுக்கு குளிச்சியாகவும் இருக்கும், சீக்கிரம் ஜீரணமாகும். மோஷன் பிரச்சனை வராது.

அவல்

அவல் ஏற்கனவே தமிழ்நாட்டில் பிரதானமான உணவு. இது அரிசியை விட இலகுவானது மற்றும் தயாரிப்பதற்கு எளிதானது. அம்மா செஃப்கள் இந்த அவலை பல தயாரிப்புகளில் செய்து கொடுக்கலாம். அவல், பொட்டுக்கடலை, வெல்லம் சேர்த்து அரைத்து சிறிது நெய் கலந்து உருண்டையாக கொடுக்கலாம். அல்லது கஞ்சியாக கொடுக்கலாம்.  அல்லது அவல் பொங்கல் செய்து கொடுக்கலாம்

ராகிப் பால் அல்வா

இது மிகவும் ருசியாக இருக்கும். முதல் நாள் இரவு ராகியை ஊற வைத்து, அடுத்த நாள் அரைத்து ராகிப் பால் எடுத்து அதை காய்ச்ச வேண்டும். கட்டித் தட்டாமல் கிளறவும், சிறிது நெய் மற்றும் வெல்லம் அல்லது கருப்பட்டி பாகு சேர்த்துக் கொடுக்கலாம். ஊட்டச்சத்து நிறைந்த இதை குழந்தைகள் விரும்பி சாப்பிடுவார்கள். இதே போல் சம்பா கோதுமையிலும் செய்யலாம். உங்கள் குழந்தைக்க்ய் சிறிதாக கொடுத்துப் பார்த்துவிட்டு, அவர்களுக்கு சேர்ந்துவிட்டது என்றால் அடிக்கடி கொடுக்கலாம்

ஜெல்லி

கோடையில் மற்ற இனிப்புகளுக்கு பதிலாக ஜெல்லி சிறந்ததாக ஊட்டச்சத்து நிபுணர்கள் பரிந்துரைக்கின்றனர். இது நிச்சயமாக இலகுவானது மற்றும் குழந்தைக்கு இனிப்பு சாப்பிடம் திருப்தி  அளிக்கிறது.  சந்தையில் கிடைக்கும் அதிக பதப்படுத்தப்பட்ட பொருட்களைத் தவிர்த்து, வீட்டில் தயாரிக்கப்பட்ட, குறைந்த சர்க்கரை ஜெல்லியைத் தேர்வுசெய்யவும். இந்த ஆரஞ்சு ஜெல்லி செய்முறையானது உங்கள் குறுநடை போடும் குழந்தைக்கு நீங்கள் பரிமாறக்கூடிய ஒரு சுவையான விருப்பமாகும்.

பழம்-லால்லிகள்

மற்றொரு கோடைகால விருப்பமான ஐஸ்-லாலிகள் - நீரேற்றத்திற்கும், உணவில் இழந்த சத்துகளை மீண்டும் பெறவும் சிறந்தது. ஆனால் சர்க்கரை கலப்பதற்கு பதிலாக, சீசனல் பழங்களை கொண்டு பாப்சிகல்களை உருவாக்க, வெறுமனே கலக்கவும் மற்றும் உறைய வைக்கவும்

குழந்தைகளுக்கான சிறந்த கோடைகால பானங்கள்

தாய்ப்பால்

உங்கள் குழந்தை இன்னும் 6 மாதங்களுக்குள் இருந்தால், உண்மையில் நீரேற்றமாக வைப்பது தாய்ப்பால் மட்டுமே. உங்கள் குழந்தைக்கு பானங்கள் அல்லது தண்ணீர் ( பிரத்தியேகமாக தாய்ப்பால் கொடுத்தால்) போன்ற வேறு எந்த பானங்களையும் கொடுப்பதை தவிர்க்க வேண்டும். 2 வயது வரை தாய்ப்பால் கொடுப்பதை தொடரலாம்.

தேங்காய் தண்ணீர்

8 மாதத்திற்கு மேல் உள்ள குழந்தைக்கு கொடுக்கலாம். தேங்காய் நீரில் எலக்ட்ரோலைட்டுகள் உள்ளன, அவை உங்கள் குழந்தையின் உடலை திரவங்களால் நிரப்புகின்றன, குறிப்பாக வியர்வை மூலம் இழந்திருந்திருக்கும் தண்ணீர் மற்றும் உப்புகளை இது ஈடு செய்யும். நீரிழப்பை எதிர்த்துப் போராட, தேங்காய் நீர் சிறப்பாக செயல்படுகிறது.கொஞ்சமாக கொடுத்துப் பாருங்கள். அதன் பிறகு தொடர்ச்சியாக கொடுப்பதை பற்றி முடிவு செய்யுங்கள்

சாஸ்/ லஸ்ஸி

தயிர் தான் சிறந்த கோடை உணவு. இது குளிர்ச்சி மற்றும் சத்தானது மற்றும் குடலுக்கு நல்லது. உங்கள் குழந்தைக்கு லஸ்ஸி கொடுக்கலாம், இதனால் அவரது ஊட்டச்சத்து தேவைகள் பூர்த்தி ஆகும்.

நிம்பு பானி

கடைசியாக, புதிய புதினா இலைகள் மற்றும் மசாலாவுடன் எலுமிச்சைப் பழம்...ம்ம்ம்! இந்த உன்னதமான பானம் நீரிழப்பைச் சமாளிப்பதில் வல்லுநர். நீங்கள் அதிக அளவு நிம்பு பானியை செய்து உங்கள் குளிர்சாதன பெட்டியில் சேமிக்கலாம். வெளியில் உள்ள வெப்பம் கையாள முடியாத அளவுக்கு சூடாக இருக்கும்போது உங்கள் குழந்தைக்கு கொஞ்சமாக கொடுக்கலாம்.

குழந்தைகளுக்கான இந்த கோடைகால உணவுகள் மற்றும் பானங்கள் கோடை மாதங்களில் உங்கள் குழந்தையை ஆரோக்கியமாகவும் நீரேற்றமாகவும் வைத்திருக்க உதவும். ஆனால் உங்கள் குழந்தைக்கு இன்னும் உணவளிப்பதில் பிரச்சனைகளை இருந்தால், இதனால் உடல் எடை குறைந்தால், உங்கள் குழந்தைக்கு வயிற்றில் தொந்தரவு இருக்கிறதா என்று குழந்தை நல மருத்துவரிடம் ஆலோசனை கேளுங்கள்